O primeiro ano de docencia do Dobre Grao ADE-Dereito
No primeiro ano, o alumno só cursa Materias de Formación Básica (FB). Estas son materias cuxos contidos son considerados básicos dentro da Rama de Coñecemento (neste caso “Ciencias Sociais e Xurídicas”) pero non son necesariamente específicos da titulación. Así, por exemplo, cúrsanse materias dos ámbitos “xurídico” e “empresarial”, pero tamén do ámbito “económico” e do ámbito “científico”.
Materias
Neste curso impártense 10 materias de Formación Básica:
- Catro materias do “ámbito xurídico”: Dereito Constitucional I, Dereito Romano, Historia do Dereito e Teoría do Dereito.
- Dúas materias do “ámbito empresarial”: Fundamentos de Administración e Xestión de Empresas.
- Dúas materias do “ámbito económico”: Economía Española e Mundial e Microeconomía.
- Dúas “materias instrumentais” que proporcionan as ferramentas analíticas necesarias para a comprensión doutras materias que se imparten na titulación de Administración de Empresas: Matemáticas e Estatística.
