O programa conxunto ade-dereito permite que un estudante poida obter en 5 anos, 2 títulos oficiais: Graduado en Administración e Dirección de Empresas e Graduado en Dereito.
Para superar o programa, o estudantado ten que cursar un total de 360 créditos ECTS, distribuídos en cinco anos a razón de 36 créditos ECTS cada cuadrimestre. As clases impártense na Facultade de Ciencias Económicas e Empresariais ou na Facultade de Ciencias Xurídicas en función do curso académico. Existe un grupo específico con horario e calendario de exames propio.
